سنڌ يونيورسٽي ڄامشورو سان لاڳاپيل سرڪاري ڪاليجن ۾ مختلف ڊگري پروگرامز جي سيمسٽر امتحانن جو شيڊيول جاري ڪيو ويو آهي. ان سلسلي ۾ سيمسٽر امتحانن واري ڪنٽرولر محمد معشوق صديقي پنهنجي جاري ڪيل هڪ پڌرائيءَ ۾ ڄاڻايو آهي ته يونيورسٽيءَ سان لاڳاپيل سرڪاري ڪاليجن ۾ بي ايس (ڪئمسٽري)، بي ايس (زولاجي) بئچ 2023ع ۽ 2024ع حصو ٻيو، اي ڊي اي / بي ايڊ (آنرز) بئچ 2020ع، 2021ع، 2022، 2023 ۽ 2024ع جا پهرئين سيمسٽر 2023ع-2024ع جا امتحان جلد منعقد ڪيا ويندا. ڪنٽرولر وڌيڪ ڄاڻايو آهي ته ڄاڻايل ڊگري پروگرامز جي امتحانن جا فارم بنا ليٽ فيءَ جي جمع ڪرائڻ جي آخري تاريخ 21 آڪٽوبر 2024ع مقرر ڪئي ويئي آهي، جڏهن ته 22 کان 25 آڪٽوبر 2024ع تائين 5000 رپيا ليٽ فيءَ سان گڏ امتحاني فارم جمع ڪرائي سگهجي ٿو.