ناظم سیمسٹر امتحانات جامعہ سندھ جامشورو محمد معشوق صدیقی نے اپنے جاری کردہ اعلامیہ میں مطلع کیا ہے کہ جامعہ سے ملحقہ نجی کالجز میں بی ایس (انفارمیشن ٹیکنالوجی ) اور چار سالہ بی ایس (سافٹ ویئر انجنیئرنگ) حصہ اول، دوم، سوم و چہارم (ریگیولر و فیلوور) کے دوسرے سیمسٹر کے امتحانات جلد منعقد کیے جائیں گے۔ اعلامیہ میں کنٹرولر  نے مزیدہ بتایا کہ مذکورہ ڈگری پروگرامز کے امتحانی فارم بغیر لیٹ فی کے جمع کرانے کی آخری تاریخ 25 فروری 2025ء مقرر کی گئی ہے، تاہم 26 سے 28 فروری 2025ء تک 5000 روپے لیٹ فی کے ساتھ فارم جمع کرائے جا سکتے ہیں۔