سنڌ يونيورسٽيءَ سان لاڳاپيل ڪاليجن ۾ ايم اي فائنل جا زباني امتحان 11 مارچ کان ورتا ويندا
سنڌ يونيورسٽيءَ سان لاڳاپيل ڪاليجن ۾ ايم اي فائنل جي زباني امتحانن جو شيڊيول جاري ڪيو ويو آهي. ان سلسلي ۾ سالياني امتحانن واري ڪنٽرولر شاهد حسين لاڙڪ پنهنجي جاري ڪيل پڌرائيءَ ۾ ڄاڻايو آهي ته ايم اي فائنل (اينوئل) امتحان 2023ع جا زباني امتحاني 11 مارچ 2025ع کان ورتا ويندا. پڌرائيءَ موجب ايم اي انگلش جا زباني امتحان انسٽيٽيوٽ آف انگلش لينگئيج اينڊ لٽريچر ۾ ورتا ويندا، جڏهن ته باقي سمورن شعبن جا امتحان آرٽس فئڪلٽي بلڊنگ ۾ منعقد ڪيا ويندا. پڌرائيءَ ايم اي سوشيالاجي جي شاگردن کي هدايت ڪئي ويئي آهي ته هو پنهنجي ماسٽرز ٿيسز 11 مارچ تائين ڊپارٽمينٽ آف سوشيالاجي جي چيئرپرسن آفيس ۾ جمع ڪرائي ڇڏين، تاريخ گذري وڃڻ کان پوءِ کانئن ٿيسز وصول نه ڪئي ويندي
