سنڌ يونيورسٽيءَ سان لاڳاپيل ڪاليجن ۾ ايم اي فائنل جي زباني امتحانن جو نئون شيڊيول جاري ڪيو ويو آهي. ان سلسلي ۾ سالياني امتحانن واري ڪنٽرولر شاهد حسين لاڙڪ پنهنجي جاري ڪيل پڌرائيءَ ۾ ڄاڻايو  آهي ته 18 مارچ 2025ع تي رٿيل ايم اي فائنل (اينوئل) 2023ع جا زباني امتحاني هاڻي 19 مارچ 2025ع کان ورتا ويندا. پڌرائيءَ ۾ هندو برادريءَ سان واسطو رکندڙ شاگردن کي اطلاع ڪيو ويو آهي ته سندن 13 مارچ تي رٿيل زباني امتحان هوليءَ جي ڏڻ سبب هاڻي 14 مارچ 2025ع تي ورتا ويندا.