سنڌ يونيورسٽيءَ سان لاڳاپيل ڪاليجن جا ايم اي فائنل جا زباني امتحان 18 بجاءِ 19 مارچ کان ورتا ويندا، ھندو برادريءَ جي اميدوارن جي واءِ واز 13 بجاءِ 14 مارچ تي وٺڻ جو فيصلو
سنڌ يونيورسٽيءَ سان لاڳاپيل ڪاليجن ۾ ايم اي فائنل جي زباني امتحانن جو نئون شيڊيول جاري ڪيو ويو آهي. ان سلسلي ۾ سالياني امتحانن واري ڪنٽرولر شاهد حسين لاڙڪ پنهنجي جاري ڪيل پڌرائيءَ ۾ ڄاڻايو آهي ته 18 مارچ 2025ع تي رٿيل ايم اي فائنل (اينوئل) 2023ع جا زباني امتحاني هاڻي 19 مارچ 2025ع کان ورتا ويندا. پڌرائيءَ ۾ هندو برادريءَ سان واسطو رکندڙ شاگردن کي اطلاع ڪيو ويو آهي ته سندن 13 مارچ تي رٿيل زباني امتحان هوليءَ جي ڏڻ سبب هاڻي 14 مارچ 2025ع تي ورتا ويندا.
Author:
Mrs. Shumaila Solangi
03/13/2025
