سنڌ يونيورسٽي جي سالياني امتحانن واري ڪنٽرولر شاهد حسين لاڙڪ يونيورسٽيءَ سان لاڳاپيل سرڪاري توڙي نجي ڪاليجن ۽ انسٽيٽيوٽس ۾ مختلف ڊگري پروگرامز جي سالياني امتحان 2021ع جو شيڊيول جاري ڪري ڇڏيو آهي. جاري ڪيل شيڊيول موجب اي ڊي آرٽس، اي ڊي سائنس، اي ڊي ڪامرس، اي ڊي سائنس هوم اڪنامڪس (فيز ون) ۽ ايم اي (پريويس) جا ساليانا امتحان 14 مارچ 2023ع کان منعقد ڪيا ويندا، جڏهن ته ايم اي (فائنل) جا ساليانا امتحان 19 مارچ 2023ع کان شروع ٿيندا. پڌرائيءَ ۾ ڪنٽرولر وڌيڪ ڄاڻايو آهي ته ايم اي (فائنل) سوشيالاجي جي شاگردن لاءِ ريسرچ رپورٽ جمع ڪرائڻ جو شيڊيول جلد جاري ڪيو ويندو.