سنڌ يونيورسٽي ڄامشورو ۾ 5 آڪٽوبر تي رٿيل انٽر ڊپارٽمينٽل گائيڪي مقابلن لاءِ نامزدگيون طلب
سنڌ يونيورسٽي ڄامشورو ۾ 5 آڪٽوبر 2023ع تي رٿيل انٽر ڊپارٽمينٽل گائيڪي مقابلا 2023ع لاءِ يونيورسٽيءَ ۾ پڙهندڙ شاگردن ۽ شاگردياڻين جون نامزدگيون طلب ڪيون ويون آهن. ان سلسلي ۾ ڊائريڪٽر بيورو آف اسٽيگس ڊاڪٽر غزالا پنهور پنهنجي هڪ جاري ڪيل پڌرائيءَ ۾ ڄاڻايو آهي ته 5 آڪٽوبر 2023ع تي منعقد ٿيندڙ گائيڪيءَ جي مقابلن لاءِ سنڌي ۽ اردو ٻولين ۾ ڳائڻ جي صلاحيت رکندڙ هر شعبي مان ٻن شاگردن (ميل ۽ فيميل) جون نامزدگيون 4 آڪٽوبر 2023ع تائين سندس آفيس ۾ جمع ڪرايون وڃن.
