جامعہ سندھ جامشورو سے ملحقہ کالجز میں 5 سالہ ایل ایل بی (آنرز) پروگرام کے سیکنڈ سیمسٹر کے امتحانی فارم جمع کرانے کی تاریخ میں لیٹ فی کے ساتھ توسیع کا اعلان کیا گیا ہے۔ ناظم سیمسٹر امتحانات کی جانب سے جاری کردہ اعلامیہ کے مطابق جامعہ سے ملحقہ سرکاری و نجی کالجز و انسٹیٹیوٹس میں 5 سالہ ایل ایل بی (آنرز) پروگرام کے سیکنڈ سیمسٹر 2023ء کے امتحانی فارم جمع کرانے کی تاریخ میں 5000 روپے لیٹ فی کے ساتھ 3 مئی 2024ء تک توسیع کی گئی ہے۔ اعلامیہ میں ملحقہ کالجز و انسٹیٹیوٹس کے سربراہان کو 7 مئی 2024ء تک امتحانی فارم کنٹرولر آفس میں جمع کرانے کی ہدایت کی گئی ہے۔