سنڌ يونيورسٽي ڄامشورو ۾ تعليمي سال 2024ع لاءِ باٽني شعبي ۾ ايم فل ۾ داخلائن لاءِ انٽرويو وٺڻ جو اعلان ڪيو ويو آهي. ان سلسلي ۾ انسٽيٽيوٽ آف پلانٽ سائنسز جي ڊائريڪٽر رابعه اسماء ميمڻ پنهنجي جاري ڪيل پڌرائيءَ ۾ ڄاڻايو آهي ته 10 سيپٽمبر 2024ع تي صبح جو ساڍي نائين وڳي باٽني ۾ ايم فل جي خواهشمند اميدوارن کان انٽرويوز ورتا ويندا. ڊاڪٽر رابعه اسماء ميمڻ اميدوارن کي صلاح ڏني آهي ته هو وقت جي پابندي ڪن ۽ گهربل ضروري تعليمي ڪاغذ ۽ قومي سڃاڻپ ڪارڊ پاڻ سان لازمي کڻي اچن.