سنڌ يونيورسٽي پاران لاڳاپيل سرڪاري ۽ نجي لا ڪاليجن ۾ 5 سالا ايل ايل بي (آنرز) پروگرام جي سيمسٽر امتحانن جا فارم ۽ فيس جمع ڪرائڻ جو شيڊيول جاري
سنڌ يونيورسٽي ڄامشورو جي سيمسٽر امتحانن واري ڪنٽرولر محمد معشوق صديقي پنهنجي جاري ڪيل پڌرائيءَ ۾ ڄاڻايو آهي ته يونيورسٽيءَ سان لاڳاپيل سرڪاري ۽ نجي لا ڪاليجن ۾ پنج سالا ايل ايل بي (آنرز) پروگرام جا سيمسٽر امتحان جلد منعقد ڪيا ويا. پڌرائيءَ ۾ ڪنٽرولر وڌيڪ ڄاڻايو ته 5 سالا ايل ايل بي (آنرز) پروگرام حصو پهريون (2024ع بئچ-سيمسٽر پهريون)، حصو ٻيو (2023ع بئچ – سيمسٽر ٽيون)، حصو ٽيون (2022ع بئچ – سيمسٽر پنجون)، حصو چوٿون (2021ع بئچ – سيمسٽر ستون) ۽ حصو پنجون (2020ع بئچ – سيمسٽر نائون) جا امتحاني فارم بنا ليٽ فيءَ جي جمع ڪرائڻ جي آخري تاريخ 20 نومبر 2024ع مقرر ڪئي ويئي آهي، جڏهن ته 21 کان 27 نومبر 2024ع تائين 5000 رپيا ليٽ فيءَ سان گڏ فيس جمع ڪرائي سگهجي ٿي.
