سنڌ يونيورسٽي ڄامشورو ۽ ان جي ڪئمپسز ۾ ٻئين سيمسٽر جا امتحان 4 ڊسمبر کان شروع ڪرڻ جو اعلان
سنڌ يونيورسٽي ڄامشورو ۽ ان جي ڪئمپسز ۾ ٻئين سيمسٽر جا امتحان 4 ڊسمبر کان شروع ڪرڻ جو اعلان ڪيو ويو آھي. اھڙو اعلان سنڌ يونيورسٽي جي وائيس چانسيلر پروفيسر (ميريٽوريس) ڊاڪٽر محمد صديق ڪلھوڙو جي صدارت ھيٺ ٿيل ھڪ اھم اجلاس ۾ ڪيو ويو. اجلاس ۾ رجسٽرار پروفيسر ڊاڪٽر مشتاق علي ڄاريڪو ۽ ڪنٽرولر محمد معشوق صديقي سميت ڪئمپسز جي فوڪل پرسنز، فيڪلٽين جي ڊينز ۽ مختلف تعليمي شعبن جي سربراھن جي شرڪت ڪئي. اجلاس ۾ مختلف تاريخن تي غور ڪرڻ بعد ٻئين سيمسٽر جا امتحان 4 ڊسمبر کان شروع ڪرائڻ جو يڪراءِ فيصلو ڪيو ويو. اجلاس ۾ چيو ويو ته شاگرد 25 نومبر کان 3 ڊسمبر تائين امتحاني فارم جمع ڪرائي سگھندا.
