سنڌ يونيورسٽي ڄامشورو ۾ تعليمي سال 2025ع تحت بي ايس ٽئين سال ۾ داخلائن لاءِ پھرين عارضي ميرٽ لسٽ جاري، اعتراضن لاءِ اميدوارن کي سڀاڻي (ڇنڇر) تائين جو وقت ڏنو ويو
سنڌ يونيورسٽي ڄامشورو ۾ تعليمي سال 2025ع تحت بي ايس ٽئين سال ۾ داخلائن لاءِ پھرين عارضي ميرٽ لسٽ جاري ڪئي وئي آھي. ان سلسلي ۾ ڊائريڪٽر ايڊميشنز پروفيسر ڊاڪٽر اياز ڪيريو پنھنجي ھڪ پڌرائيءَ ۾ ڄاڻايو آھي ته مادرعلمي جي ويب سائيٽ تي جاري ڪيل بي ايس ٽئين سال پنجين سيمسٽر ۾ داخلائن واري لسٽ تي اميدوارن کي سڀاڻي ڇنڇر تائين اعتراض جمع ڪرائڻ جو وقت ڏنو ويو آھي. ھن چيو ته اعتراض آن لائن يا ڊائريڪٽوريٽ آف ايڊميشنز اچي جمع ڪرائي سگهجن ٿا، ايڊميشن آفيس سڀاڻي ڇنڇر تي شام جو 4 بجي تائين کليل رھندي. ھن چيو ته حتمي داخلا لسٽ اعتراضن جي ڇنڊڇاڻ بعد جاري ٿيندي، جنھن بعد اميدوار داخلا في جمع ڪرائي سگھندا.
