سنڌ يونيورسٽي ڄامشورو جي سيمسٽر امتحانن واري ڪنٽرولر محمد معشوق صديقي پنهنجي جاري ڪيل پڌرائيءَ ۾ ڄاڻايو آهي ته يونيورسٽيءَ سان لاڳاپيل خانگي ڪاليجن ۾ بي ايس (انفارميشن ٽيڪنالاجي) ۽ چار سالا بي ايس (سافٽ ويئر انجنيرنگ) حصو پهريون، ٻيو، ٽيون ۽ چوٿون (ريگيولر ۽ فيلوور) جي ٻئي سيمسٽر جا امتحان جلد منعقد ڪيا ويا. پڌرائيءَ ۾ ڪنٽرولر وڌيڪ ڄاڻايو ته ڄاڻايل ڊگري پروگرامن جا امتحاني فارم بنا ليٽ فيءَ جي جمع ڪرائڻ جي آخري تاريخ 25 فيبروري 2025ع مقرر ڪئي ويئي آهي، جڏهن ته 26  کان 28 فيبروري 2025ع تائين 5000 رپيا ليٽ فيءَ سان گڏ فارم جمع ڪرائي سگهجي ٿو.