ناظم سیمسٹر امتحانات جامعہ سندھ جامشورو  محمد معشوق صدیقی نے اعلان کیا ہے کہ ملحقہ کالجز میں کل 22 اپریل 2025ء سے شروع ہونے والے سیمسٹر امتحانات ملتوی کیے گئے ہیں۔ یہ فیصلہ قومی شاہراہوں و سڑکوں کی موجودہ صورتحال اور طلباء کے والدین کی جانب سے موصول شدہ اپیلوں کے پیش نظر کیا گیا ہے۔ اپنے جاری کردہ اعلامیہ میں کنٹرولر نے بتایا کہ ملتوی شدہ امتحانات کی نئی تاریخ و شیڈیول کا اعلان صورتحال کے معمول پر آنے کے بعد کیا جائے گا۔ کنٹرولر نے کہا کہ یہ قدم طلباء، ان کے والدین و امتحانی عملے کے تحفظ و بھلائی کو یقینی بنانے کیلئے اٹھایا گیا ہے۔