پرووسٹ بوائز ہاسٹلز جامعہ سندھ  جامشورو ڈاکٹر پسند علی کھوسو نے مطلع کیا ہے کہ بوائز ہاسٹلز میں فریش الاٹمنٹ 2025ء کے فارم جمع کرانے کی تاریخ میں آخری بار 29 مئی 2025ء تک توسیع کی گئی ہے۔ اپنے جاری کردہ ایک اعلامیہ میں پرووسٹ نے مزید بتایا کہ ہاسٹل میں الاٹمنٹ لینے کے خواہشمند طلباء الاٹمنٹ فارم کی فیس  کا چالان اپنے ای پورٹل اکاؤنٹ سے ڈائون لوڈ کرکے حبیب بینک کی کسی بھی برانچ سے فارم  حاصل کر سکتے ہیں۔ اعلامیہ کے مطابق خواہشمند طلباء الاٹمنٹ فارم کے ساتھ داخلہ فی کا چالان، اسٹوڈنٹ کارڈ کی 2 کاپیاں، اپنے اور اپنے والد کے قومی شناختی کارڈ کی 2-2 کاپیاں، 4 عدد پاسپورٹ سائز تصاویر اور ہاسٹل فارم کی فیس کا چالان لگا کر ہاسٹل کے اکیڈمک سیکشن میں جمع کرائیں۔ مقررہ تاریخ پر فارم جمع نہ کرانے والے طلباء کو الاٹمنٹ نہیں دی جائے گی۔