جامعہ سندھ جامشورو سے ملحقہ کالجوں میں اے ڈی آرٹس (ریگولر و ایکسٹرنل)، اے ڈی کامرس، اے ڈی سائنس اور اے ڈی ہوم اکنامکس (ریگولر) حصہ اول کے امتحانات کے لیے فیس اور فارم جمع کرانے کا شیڈول جاری کیا گیا ہے۔ اس سلسلے میں سالانہ امتحانات کے کنٹرولر احسان اللہ راشدی نے اپنے جاری کردہ اعلامیہ میں آگاہ کیا ہے کہ مذکورہ پروگراموں کے سالانہ امتحانات 2025ء کے لیے فارم اور فیس جمع کرانے کی آخری تاریخ 15 مئی 2026ء مقرر کی گئی ہے۔