سنڌ يونيورسٽي ڄامشورو جي شمس العلماء مرزا قليچ بيگ چيئر جي ڊائريڪٽر ڊاڪٽر نواب ڪاڪا پنهنجي هڪ پڌرائيءَ ۾ ڄاڻايو آهي ته شمس العلماء مرزا قليچ بيگ جي 169هين سالگرهه سڀاڻي 4 آڪٽوبر تي سنڌي شعبي جي ڊاڪٽر عبدالجبار جوڻيجو هال ۾ صبح جو ساڍي ڏهين وڳي ملهائي ويندي. پڌرائي موجب تقريب ۾ مختلف اديب، دانشور ۽ تعليمي ماهر مرزا قليچ بيگ جي زندگي ۽ خدمتن تي روشني وجهندا. تقريب ۾ کيس سندس ڪيل تعليمي ۽ تحقيقي خدمتن تي زبردست خراج پيش ڪيو ويندو.