سنڌ يونيورسٽيءَ سان لاڳاپيل نجي ڪاليجن ۾ بي بي اي جي ٻئي سيمسٽر جا امتحان 25 آڪٽوبر کان وٺڻ جو اعلان

 سنڌ يونيورسٽي ڄامشورو جي سيمسٽر امتحانن واري ڪنٽرولر محمد معشوق صديقي بي بي اي (آنرز) جي ٻئي سيمسٽر جي امتحانن جي تاريخ جو اعلان ڪري ڇڏيو آهي. پنهنجي جاري ڪيل پڌرائيءَ ۾ ڪنٽرولر ڄاڻايو آهي ته يونيورسٽيءَ سان لاڳاپيل نجي ڪاليجن ۽ انسٽيٽيوٽن ۾ بي بي بي (آنرز) حصو پهريون، ٻيو، ٽيون ۽ چوٿون جي بئچ 2018ع، 2019ع، 2020ع ۽ 2021ع (ريگيولر ۽ فيلوئر) جي ٻئي سيمسٽر جا امتحان اڱارو 25 آڪٽوبر 2022ع کان منعقد ڪيا ويندا.