سنڌ يونيورسٽي ڄامشورو پاران لاڳاپيل ڪاليجن ۾ ايل ايل بي حصو پهريون، ٻيون ۽ ٽيون (فيلوئر) سالياني امتحان 2021ع لاءِ امتحاني فارم جمع ڪرائڻ جو نظرثاني ٿيل شيڊيول جاري ڪيو ويو آهي. ان سلسلي ۾ سالياني امتحانن واري ڪنٽرولر پروفيسر ڊاڪٽر سراج الحق ڪانڌڙو پاران جاري ڪيل پڌرائيءَ موجب ايل ايل بي 3 سالا پروگرام حصو پهريون، ٻيون ۽ ٽيون (فيلوئرز) سالياني امتحان 2021ع لاءِ لاڳاپيل ڪاليجن ۾ امتحاني فارم 21 نومبر 2022ع تائين ڪنهن به ليٽ کان سواءِ جمع ڪرائي سگهجن ٿا، جڏهن ته 3 هزار رپيا فيس سان گڏ فارم 22 نومبر کان 30 نومبر 2022ع تائين جمع ڪرائي سگهجن ٿا.