سنڌ يونيورسٽي ڄامشورو جي گرلز هاسٽلن جي پرووسٽ ڊاڪٽر ناهيد آرائين ڄاڻايو آهي ته گرلز هاسٽلن ۾ ماسٽر ۽ بيچلر ڊگري پروگرامز جي شاگردياڻين جي فريش الاٽمينٽ 2023ع جي فيس جمع ڪرائڻ جي آخري تاريخ 31 مئي 2023ع مقرر ڪئي ويئي آهي. پنهنجي جاري ڪيل هڪ پڌرائيءَ ۾ پرووسٽ وڌيڪ ڄاڻايو ته هاسٽلر شاگردياڻيون فيس جا چالان پنهنجي اِي پورٽل مان ڊائون لوڊ ڪري حبيب بئنڪ جي ڪنهن به برانچ ۾ جمع ڪرائي سگهن ٿيون. ڄاڻايل وقت تي فيس جمع نه ڪرائيندڙ هاسٽلرن جي الاٽمينٽ رد ڪئي ويندي.