انسٽيٽيوٽ آف سنڌالاجي مان شايع ٿيندڙ ڇهه ماھي نيوز ليٽر آن لائين ڇپجي پڌرو، انسٽيٽيوٽ جي ويب سائيٽ تي جاري: پنو ۽ ڇپائي مهانگي ٿيڻ سبب نيوز ليٽر کي آن لائين ڪيو ويو آھي: ڊائريڪٽر سنڌالاجي غلام مرتضيٰ سيال
سنڌ يونيورسٽي ڄامشورو جي انسٽيٽيوٽ آف سنڌالاجي مان شايع ٿيندڙ ڇهه ماھي نيوز ليٽر آن لائين ڇپجي پڌرو ٿي چڪو آھي، جيڪو انسٽيٽيوٽ جي ويب سائيٽ تي موجود آهي. انسٽيٽيوٽ آف سنڌالاجيءَ جي ڊائريڪٽر غلام مرتضيٰ سيال موجب پنو ۽ ڇپائي مهانگي ٿيڻ سبب نيوز ليٽر کي آن لائين ڪرڻ جو فيصلو ڪيو ويو آهي. هن چيو ته جنوري-جولاءِ 2023ع واري ايڊيشن آن لائين ڪئي ويئي آھي، جنھن جي فيڊ بيڪ جو انتظار رھندو.
