جامعہ سندھ سے ملحقہ کالجز میں سالانہ امتحانات 2022ءکیلئے آن لائن امتحانی فارم جمع کرانے کی تاریخ میں 27 نومبر تک توسیع کا اعلان
ناظم سالانہ امتحانات جامعہ سندھ جامشورو شاہد حسین لاڑک نے اپنے جاری کردہ ایک اعلامیہ میں مطلع کیا ہے کہ جامعہ سے ملحقہ کالجز میں سالانہ امتحانات 2022ءکیلئے آن لائن امتحانی فارم جمع کرانے کی تاریخ میں 3000 روپے لیٹ فی کے ساتھ 27 نومبر 2023ءتک توسیع کی گئی ہے۔ کنٹرولر نے مزید بتایا کہ تاریخ میں مذکورہ توسیع جامعہ سندھ کے اعلیٰ حکام نے ملحقہ کالجز کے پرنسپالز و امیدواروں کی گزارش پر کی ہے۔
