سنڌ يونيورسٽي ڄامشورو ۽ ان جي حيدرآباد، لاڙڪاڻو، محترمه بينظير ڀُٽو شھيد ڪئمپس دادو، لاڙ ڪئمپس بدين، ميرپورخاص، ٺٽو ۽ نوشهروفيروز ۾ بيچلر ۽ ماسٽر ڊگري پروگرامن جي ٻئي سيمسٽر جا امتحان شروع ٿي ويا. مختلف شعبن ۾ صبح ۽ شام جي شفٽن ۾ پرچا ورتا ويا. امتحانن دوران وائيس چانسيلر پروفيسر (ميريٽوريس) ڊاڪٽر محمد صديق ڪلھوڙو آرٽس فيڪلٽي سميت مختلف تعليمي شعبن جو دورو ڪيو ۽ ھلندڙ امتحانن جو جائزو ورتو. دوري دوران ھن امتحاني بلاڪن ۽ امتحانن بابت ڪيل تيارين ۽ حفاظتي انتظامن جو به جائزو ورتو ۽ ڪيل انتظامن تي اطمينان جو اظهار ڪيو. وائيس چانسيلر  مختلف شعبن ۾ ھلندڙ امتحان دوران شاگردن کان سندن پرچن بابت پڻ دريافت ڪيو. ان موقعي تي رجسٽرار، مختلف فئڪلٽين جا ڊين، شعبن جا سربراهه ۽ ٻيا پڻ ساڻس گڏ ھئا.