سنڌ يونيورسٽيءَ سان لاڳاپيل سرڪاري توڙي خانگي لا ڪاليجن ۾ 5 سالا ايل ايل بي (آنرز) پروگرام جي پهرئين سيمسٽر جا امتحان 16 جنوريءَ کان منعقد ڪرڻ جو اعلان
سنڌ يونيورسٽي ڄامشورو سان لاڳاپيل سرڪاري توڙي خانگي لا ڪاليجن ۾ 5 سالا ايل ايل بي (آنرز) پروگرام جي پهرئين سيمسٽر جا امتحان 16 جنوريءَ کان منعقد ڪرڻ جو اعلان ڪيو ويو آهي. ان سلسلي ۾ سيمسٽر امتحانن واري ڪنٽرولر محمد معشوق صديقي پنهنجي جاري ڪيل هڪ پڌرائيءَ ۾ ڄاڻايو آهي ته يونيورسٽيءَ سان لاڳاپيل سرڪاري توڙي خانگي لا ڪاليجن ۾ 5 سالا ايل ايل بي (آنرز) پروگرام جي حصي پهرئين، ٻئي، ٽئين، چوٿين ۽ پنجين جي پهرئين سيمسٽر 2023ع جا امتحان 16 جنوري 2024ع کان شروع ڪيا ويندا، جنهن جو تفصيلي شيڊيول لاڳاپيل ڪاليجن ڏانهن موڪليو ويو آهي.
