سنڌ يونيورسٽي ڄامشورو سان لاڳاپيل ڪاليجن ۾ 5 سالا ايل ايل بي (آنرز) پروگرام جي ٻئي سيمسٽر جا فارم جمع ڪرائڻ جي تاريخ ۾ ليٽ فيس سان گڏ واڌ جو اعلان ڪيو ويو آهي. سيمسٽر امتحانن واري ڪنٽرولر پاران جاري ڪيل پڌرائيءَ موجب يونيورسٽيءَ سان لاڳاپيل سرڪاري توڙي خانگي ڪاليجن ۽ انسٽيٽيوٽس ۾ 5 سالا ايل ايل بي (آنرز) پروگرام جي ٻئي سيمسٽر 2023ع جا امتحاني فارم جمع ڪرائڻ جي تاريخ ۾ 5000 رپيا ليٽ فيءَ سان گڏ 3 مئي 2024ع تائين واڌ ڪئي ويئي آهي. پڌرائيءَ ۾ لاڳاپيل ڪاليجن ۽ انسٽيٽيوٽس جي سربراهن کي 7 مئي 2024ع تائين امتحاني فارم ڪنٽرولر آفيس ۾ موڪلڻ جي ھدايت ڪئي ويئي آهي.