ناظم سالانہ امتحانات شاہد حسین لاڑک نے اپنے ایک اعلامیہ میں مطلع کیا ہے کہ جامعہ سندھ سے ملحقہ کالجز میں مختلف ڈگری پروگرامز کے امتحانات کیلئے آن لائن فارم جمع کرانے کی تاریخ میں 15 جولائی تک توسیع کی گئی ہے۔ اعلامیہ کے مطابق اے ڈی آرٹس (ریگیولر و ایکسٹرنل)، اے ڈی سائنس و اے ڈی کامرس (ریگیولر) حصہ اول سالانہ امتحانات 2023ء کے امیدوار 15 جولائی 2024ء تک جامعہ سندھ کی آفیشل ویب سائٹ annual.usindh.edu.pk  پر بغیر کسی لیٹ فی کے اپنے آن لائن امتحانی فارم پُر کر سکتے ہیں۔