سنڌ يونيورسٽي پاران ضمني چونڊ سبب گورنمينٽ بوائز ڊگري ڪاليج عمرڪوٽ ۾ رٿيل سيمسٽر امتحانن جو شيڊيول تبديل
سنڌ يونيورسٽي ڄامشورو جي سيمسٽر امتحانن واري ڪنٽرولر محمد معشوق صديقي پنهنجي جاري ڪيل پڌرائيءَ ۾ ڄاڻايو آهي ته عمرڪوٽ ۾ ضمني چونڊ سبب گورنمينٽ بوائز ڊگري ڪاليج عمرڪوٽ ۾ رٿيل سيمسٽر امتحانن جو شيڊيول تبديل ڪيو ويو آهي. پڌرائيءَ ۾ وڌيڪ ڄاڻايو ويو آهي ته ضمني چونڊ سبب گورنمينٽ بوائز ڊگري ڪاليج عمرڪوٽ ۾ پولنگ اسٽيشن قائم ڪرڻ سبب اي ڊي اِي/ بي.ايڊ، بي ايس ڪيمسٽري، بي ايس زولاجي، بي سي ايس، بي ايس سافٽ ويئر انجنيئرنگ، بي ايس انفارميشن ٽيڪنالاجي ۽ اي ڊي ايس باٽني جا سيمسٽر امتحان هاڻي 22 اپريل 2025ع کان ورتا ويندا. امتحانن جو نظرثاني ٿيل شيڊيول جلد جاري ڪيو ويندو.
