جامعہ سندھ جامشورو کے انسٹیٹیوٹ آف کامرس اینڈ مینجمنٹ میں تعلیمی سال 2026ء کے پہلے سیمسٹر کے امتحانات کامیابی سے مکمل ہو گئے ہیں۔ اس سلسلے میں انسٹیٹیوٹ کے ڈائریکٹر کی جانب سے جاری کردہ ایک اعلامیہ کے مطابق انسٹیٹیوٹ آف کامرس اینڈ مینجمنٹ کو یہ اعزاز حاصل ہے کہ وائس چانسلر پروفیسر ڈاکٹر فتح محمد مری نے امتحانات کے پہلے دن بھی دورہ کیا تھا اور پھر آخری دن بھی انسٹیٹیوٹ کا دورہ کرکے امتحانی انتظامات کا جائزہ لیا اور طلباء و عملے کی حوصلہ افزائی کی۔ ڈین فیکلٹی آف کامرس اینڈ بزنس ایڈمنسٹریشن پروفیسر ڈاکٹر جاوید احمد چانڈیو نے وائس چانسلر کی مسلسل رہنمائی اور تعاون پر ان کا شکریہ ادا کیا۔ انسٹیٹیوٹ کے ڈائریکٹر پروفیسر ڈاکٹر حاکم علی مہیسر نے طلباء کے لیے فائدہ مند اور پُرسکون گرمیوں کی تعطیلات کے لیے نیک خواہشات کا اظہار کیا۔ انہوں نے طلباء کو مشورہ دیا کہ وہ تعطیلات کے دوران انٹرن شپ اور پروجیکٹس میں حصہ لے کر عملی تجربہ حاصل کریں اور اپنے تعلیمی پروفائل کو مزید مضبوط بنائیں۔