سنڌ يونيورسٽي ڄامشوري پاران تعليمي سال 2027ع تحت بيچلر، بي ايس (ٽيون سال) ۽ ماسٽر ڊگري پروگرامن لاءِ آن لائن داخلا فارم جمع ڪرائڻ جي تاريخ ۾ 24 سيپٽمبر تائين واڌ ڪئي ويئي آهي. ان سلسلي ۾ سنڌ يونيورسٽي جي ڊائريڪٽر ايڊميشنز پاران جاري ڪيل ھڪ پڌرائيءَ موجب اميدوار ھاڻي آن لائين فارم ۽ 3000 رپيا پروسيسنگ فيس 24 سيپٽمبر 2026ع تائين ادا ڪري سگھن ٿا. واضح رھي ته هي فيصلو رجسٽريشن کان رھجي ويل اميدوارن کي پنهنجا فارم مڪمل ڪرڻ ۽ داخلا واري عمل ۾ شامل ٿيڻ جو آخري موقعو فراهم ڪرڻ لاءِ ڪيو ويو آھي.