جامعہ سندھ جامشورو میں انٹر ڈپارٹمنٹ اسپورٹس فیسٹیول 2026ء کل 11 نومبر سے شروع ہوگا جس کی تمام تیاریاں مکمل کر لی گئی ہیں. فیسٹیول کی افتتاحی تقریب کل صبح 9 بجے حیدر بخش جتوئی پویلین میں منعقد ہوگی، جس کے مہمانِ خصوصی جامعہ سندھ کے وائس چانسلر پروفیسر ڈاکٹر فتح محمد مری (تمغۂ امتیاز) ہوں گے، جو فیسٹیول کا افتتاح کریں گے. 28 نومبر تک جاری رہنے والے اس فیسٹیول میں یونیورسٹی کے مختلف شعبوں کی گرلز و بوائز ٹیموں کے درمیان کرکٹ، بیڈمنٹن، ٹیبل ٹینس، والی بال، فٹ بال، باسکٹ بال، رسہ کشی، شطرنج، ایتھلیٹکس سمیت مختلف کھیلوں کے مقابلے ہونگے اور ونرز ٹیموں کو اختتامی تقریب میں ٹرافیوں، شیلڈز اور سرٹیفکیٹس سے نوازا جائے گا. 
تین ہفتے جارے رہنے والے اس اسپورٹس فیسٹیول کا مقصد کھیلوں کے ذریعے طلبہ میں ٹیم ورک، قائدانہ صلاحیتوں اور مثبت سرگرمیوں کے فروغ کے ساتھ ساتھ صحت مند اور تعمیری ماحول کو پروان چڑھانا ہے