سنڌ يونيورسٽي ڄامشورو جي ڊپارٽمينٽ آف فزيالاجي پاران پاڪستان فزيالاجيڪل سوسائٽي جي سهڪار سان سڀاڻي 29 آڪٽوبر کان ٻن ڏينهن جو ورڪشاپ ۽ پوسٽر مقابلا منعقد ڪرڻ جو اعلان ڪيو ويو آهي.ڊپارٽمينٽ آف فزيالاجي جي اسسٽنٽ پروفيسر ۽ ورڪشاپ آرگنائيزر ڊاڪٽر اياز علي سمون موجب فزيالاجي ڊپارٽمينٽ ۾ ٻن ڏينهن جو ورڪشاپ ۽ پوسٽر مقابلا منعقد ڪيا پيا وڃن ته جيئن بي ايس جي شاگردن کي پنهنجيون صلاحيتون مڃائڻ لاءِ موقعو فراهم ڪري سگهجي. هن ٻڌايو ته ورڪشاپ ۽ پوسٽر مقابلا 29 آڪٽوبر ۽ پهرين نومبر 2021ع تي منعقد ٿي رهيا آهن.