ناظم سالانہ امتحانات جامعہ سندھ جامشورو پروفیسر ڈاکٹر سراج الحق کاندھڑو نے اے ڈی (آرٹس) حصہ اول (ریگیولر/ ایکسٹرنل) سالانہ امتحانات 2020ءکے نتائج کا اعلان کردیا ہے۔ اس ضمن میں جاری کردہ نتائج کے مطابق امتحانات میں مجموعی طور پر 7511 امیدواروں نے حصہ لیا، جن میں سے 5314 امیدوار پاس اور 1329 فیل قرار دیئے گئے۔ 362 امیدوار امتحانات میں غیر حاضر رہے۔ علاوہ ازیں 506 امیدواروں کے نتائج مختلف وجوہات کی بناءپر روک دیئے گئے ہیں۔ امتحانات میں مجموعی کامیابی کا تناسب 70.74 فیصد رہا۔