سنڌ يونيورسٽي ڄامشورو پاران تعليمي سال 2023 لاءِ بيچلر ۽ ماسٽر ڊگري پروگرامن ۾ داخلائن لاءِ آن لائن فارم ۽ داخلا پروسيسنگ فيس جمع ڪرائڻ جي تاريخ ۾ 24 آڪٽوبر تائين واڌ جو اعلان
سنڌ يونيورسٽي ڄامشورو جي ڊائريڪٽر ايڊميشنز پروفيسر ڊاڪٽر اياز ڪيريو اميدوارن ۽ سندن والدين جي درخواست تي تعليمي سال 2023 لاءِ بيچلر ۽ ماسٽر ڊگري پروگرامن ۾ داخلائن لاءِ آن لائن فارم ۽ داخلا پروسيسنگ فيس جمع ڪرائڻ جي تاريخ ۾ 24 آڪٽوبر تائين واڌ جو اعلان ڪري ڇڏيو آهي. پنھنجي جاري ڪيل ھڪ پڌرائيءَ ۾ ڊائريڪٽر ايڊميشنز چيو ته ٻوڏ متاثر ضلعن جي شاگردن کي ھڪ ڀيرو ٻيھر موقعو ڏيڻ لاءِ وائيس چانسيلر جي منظوريءَ بعد آن لائن رجسٽريشن جي تاريخ ۾ 24 آڪٽوبر تائين واڌ ڪئي وئي آھي. ھن داخلا جي خواھشمندن کي صلاح ڏني ته ھو آن لائن فارم ڀرڻ دوران جنريٽ ٿيندڙ 2500 جو چالان لازمي جمع ڪرائين، ٻي صورت ۾ سندن آن لائن فارم رد تصور ڪيو ويندو. ڊاڪٽر ڪيريو واضح ڪيو ته 24 آڪٽوبر کانپوءِ رجسٽريشن جي تاريخ ۾ ڪا به واڌ نه ٿيندي.
