سنڌ يونيورسٽي ڄامشورو ۾ ٽن ٻولين سنڌي، اردو ۽ انگريزيءَ تي مشتمل تقريري مقابلا 14 مارچ 2023ع کان شروع ٿيندا، جيڪي 16 مارچ 2023 تائين جاري رهندا. ان سلسلي ۾ ڊائريڪٽر بيورو آف اسٽيگس ڊاڪٽر غزالا پنهور پنهنجي جاري ڪيل پڌرائيءَ ۾ ڄاڻايو آهي ته سنڌي، اردو ۽ انگريزي ٻولين ۾ مزاحيه ۽ سنجيده موضوعن تي مشتقمل تقريري مقابلا آرٽس فئڪلٽي بلڊنگ ۾ واقع شيخ اياز آڊيٽوريم ۾ صبح 10 وڳي کان شروع ٿيندا، ان ڏس ۾ شاگردن ۽ شاگردياڻين کي هدايت ڪئي ويئي آهي ته اُهي پنهنجون نامزدگيون 13 مارچ 2023ع تائين بيورو آف اسٽيگس جي آفيس ۾ جمع ڪرائين.