سنڌ يونيورسٽي ڄامشورو جي ريسرچ اينڊ گريجوئيٽ اسٽيڊيز جي ڊائريڪٽر پروفيسر ڊاڪٽر صائمه قيوم ميمڻ ڄاڻايو آهي ته حبيب بينڪ لميٽيڊ پاران چالانن کي آن لائن ڪيو ويو آھي، جنھن بعد ھاڻي تعليمي سال 2023ع لاءِ مختلف شعبن جا ايم فل اسڪالر پنھنجي داخلا فيس ايڇ بي ايل ۾ جمع ڪرائي سگھن ٿا. پنھنجي جاري ڪيل ھڪ پڌرائي ۾ ريسرچ اينڊ گريجوئيٽ اسٽيڊيز جي ڊائريڪٽر ڊاڪٽر صائمه قيوم ميمڻ وڌيڪ ڄاڻايو ته اميدوار پنھنجي اي پورٽل تان چالان ڊائون لوڊ ڪري حبيب بينڪ جي ڪنھن به برانچ يا حبيب بينڪ ايپ ۽ ايڇ بي ايل ڪونيڪٽ ذريعي پڻ پنھنجي داخلا في جمع ڪرائي سگھن ٿا.