سنڌ يونيورسٽيءَ جي بوائز هاسٽلز ۾ ٻيهر توڙي فريش الاٽمينٽ 2023ع جي فيس جمع ڪرائڻ جي تاريخ ۾ 28 سيپٽمبر تائين واڌ
سنڌ يونيورسٽي ڄامشورو جي بوائز هاسٽلن جي پرووسٽ ڊاڪٽر پسند علي کوسو ڄاڻايو آهي ته بوائز هاسٽلن ۾ ٻيهر توڙي فريش الاٽمينٽ 2023ع جي فيس جمع ڪرائڻ جي تاريخ ۾ 28 سيپٽمبر 2023ع تائين واڌ ڪئي ويئي آهي. پنهنجي جاري ڪيل هڪ پڌرائيءَ ۾ پرووسٽ وڌيڪ ڄاڻايو ته هاسٽلر شاگرد فيس جا چالان پنهنجي اِي پورٽل مان ڊائون لوڊ ڪري حبيب بئنڪ جي ڪنهن به برانچ ۾ جمع ڪرائي سگهن ٿا. ڄاڻايل تاريخ تائين فيس جمع نه ڪرائيندڙ هاسٽلرن جي ري الاٽمينٽ رد ڪئي ويندي. پڌرائي موجب چالان جمع ڪرائڻ بعد هاسٽل واري فيس ڪاپي بوائز هاسٽل جي اڪيڊمڪ سيڪشن ۾ جمع ڪرائي وڃي.
