سنڌ يونيورسٽي ڄامشورو ۽ ان جي ڪئمپسز ۾ تعليمي سال 2024ع تحت بيچلر پروگرامن جي پهرئين سيمسٽر جا ڪلاس 12 فيبروريءَ کان شروع ڪرڻ جو اعلان
سنڌ يونيورسٽي ڄامشورو ۽ ان جي سمورن ڪئمپسز ۾ تعليمي سال 2024ع تحت بيچلر ڊگري پروگرامز (صبح ۽ شام ٻنهي شفٽن ۾) پهرئين سيمسٽر جا ڪلاس 12 فيبروري 2024ع کان شروع ڪرڻ جو اعلان ڪيو ويو آهي. ان سلسلي ۾ سنڌ يونيورسٽيءَ جي رجسٽرار پروفيسر ڊاڪٽر مشتاق علي ڄاريڪو پاران جاري ڪيل هڪ پڌرائيءَ موجب ايڊميشن ٽيڪنيڪل ڪميٽيءَ جي سفارشن تي وائيس چانسلر پروفيسر (ميريٽوريس) ڊاڪٽر محمد صديق ڪلهوڙو تعليمي سال 2024ع تحت بيچلر ڊگري پروگرامز جي صبح ۽ شام جي شفٽن ۾ داخل پهرئين سال جي شاگردن جا ڪلاسز 12 فيبروري 2024ع کان شروع ڪرائڻ جي منظوري ڏيئي ڇڏي آھي. واضح رهي ته بي ايس ٿرڊ ايئر ۾ داخل سمورن شاگردن ۽ شاگردياڻين جا ڪلاس اڳيئي پنجين سيمسٽر جي آن رول شاگردن سان گڏ شروع ٿي چڪا آهن.
