![](https://news.usindh.edu.pk/uploads/notifications_images/19749847122.05.24 SPAS Model School Results01.jpg)
سيد پناهه علي شاهه ماڊل اسڪول ڄامشورو ۾ ڇهين ڪلاس جا امتحاني نتيجا پڌرا: ڪشف ڪاڪا، فاطمه بتول چنا ۽ هاجران راڄڙ ترتيبوار پهرين، ٻي ۽ ٽين پوزيشن حاصل ڪري ورت
سنڌ يونيورسٽي ڄامشورو تحت هلندڙ سيد پناهه علي شاهه ماڊل اسڪول ڄامشورو پاران ڇهين ڪلاس جا امتحاني نتيجا جاري ڪيا ويا آهن، جنهن ۾ نينگري ڪشف ڪاڪا پهرين، فاطمه بتول چنا ٻي ۽ هاجران راڄڙ ٽين پوزيشن ماڻي ورتي آهي. تفصيل موجب سيد پناهه علي شاهه ماڊل اسڪول ڄامشورو جي ڇهين ڪلاس جي سالياني امتحانن جي نتيجن جو اعلان ڪيو ويو آهي، جنهن ۾ ڪشف ڪاڪا ڌيءُ نور نبي ڪاڪا پهرين پوزيشن ماڻي ورتي. سنڌ يونيورسٽيءَ جي پبلڪ رليشنز سيڪشن جي عملدار اختيار علي چنا جي ڌيءُ فاطمه بتول ٻي ۽ هاجران ڌيءَ عبدالحميد راڄڙ ٽين پوزيشن ماڻي ورتي. انچارج پرنسپال مارئي عطار جو چوڻ هو ته اسڪول ۾ ميرٽ کي يقيني بڻايو ويو آهي، ٽيچرس جي محنت سبب اسان جي اسڪول ۾ زير تعليم ٻار هوشيار آهن ۽ هو امتحانن ۾ بهتر نتيجا ڏيئي رهيا آهن. هن چيو ته وائيس چانسلر پروفيسر (ميريٽوريس) ڊاڪٽر محمد صديق ڪلهوڙو جي رهنمائي ۽ هدايتن جي روشنيءَ ۾ اسڪول کي تعليم جو ڳڙهه بڻايو ويندو.