جامعہ سندھ سے ملحقہ کالجز میں مختلف ڈگری پروگرامز کے تحت امتحانات کے آن لائن فارم جمع کرانے کی آخری تاریخ 27 جون مقرر
ناظم سالانہ امتحانات جامعہ سندھ جامشورو شاہد حسین لاڑک نے اپنے ایک اعلامیہ میں مطلع کیا ہے کہ جامعہ سندھ سے ملحقہ کالجز میں مختلف ڈگری پروگرامز کے امتحانات کیلئے آن لائین فارم جمع کرانے کی آخری تاریخ 27 جون 2024ء مقرر کی گئی ہے۔ اعلامیہ کے مطابق اے ڈی آرٹس (ریگیولر و ایکسٹرنل)، اے ڈی سائنس و اے ڈی کامرس (ریگیولر) حصہ اول، ایم کام، ایم ایس سی، ایم اے (حصہ اول، فیلوور) اور ایم کام، ایم ایس سی، ایم اے (فائنل، فیلوور) پوسٹ گریجویٹ سالانہ امتحانات 2022ء کے امیدوار 27 جون 2024ء تک جامعہ سندھ کی ویب سائٹ annual.usindh.edu.pk پر اپنے آن لائن امتحانی فارم پُر کر سکتے ہیں۔ اعلامیہ کے مطابق ایم کام، ایم ایس سی، ایم اے (حصہ اول، فیلوور) اور ایم کام، ایم ایس سی، ایم اے (فائنل، فیلوور)کے امیدوار 27 جون تک بغیر کسی لیٹ فی کے فارم جمع کرا سکتے ہیں، تاہم 28 جون سے 5 جولائی تک 5000 روپے اور 6 جولائی سے 13 جولائی تک 10 ہزار روپے لیٹ فی کے ساتھ فارم جمع کرائی جا سکیں گے۔
