جامعہ سندھ جامشورو میں تعلیمی سال 2024ء کیلئے شعبہ باٹنی میں ایم فل میں داخلوں کیلئے انٹرویوز لینے کا اعلان کیا گیا ہے۔ اس سلسلے میں ڈائریکٹر انسٹیٹیوٹ آف پلانٹ سائنسز پروفیسر ڈاکٹر رابعہ اسماء میمن نے اپنے جاری کردہ اعلامیہ میں مطلع کیا ہے کہ 10 ستمبر 2024ء کو صبح ساڑھے نو بجے باٹنی میں ایم فل کے خواہشمند امیدواروں سے انٹرویوز لیے جائیں گے۔ انہوں نے امیدواروں کو مشورہ دیا ہے کہ وہ وقت کی پابندی کا خصوصی خیال رکھیں اور مطلوبہ ضروری تعلیمی دستاویزات اور قومی شناخت کارڈ اپنے ہمراہ ضرور لائیں۔