ناظم سیمسٹر امتحانات جامعہ سندھ جامشورو محمد معشوق صدیقی نے اپنے جاری کردہ اعلامیہ میں مطلع کیا ہے کہ جامعہ سے ملحقہ سرکاری کالجز میں مختلف ڈگری پروگرامز کے دوسرے سیمسٹر کے امتحانات جلد منعقد کیے جائیں گے۔ اعلامیہ میں کنٹرولر نے مزید بتایا کہ بی ایس کیمسٹری، بی ایس زولاجی حصہ اول و دوم، اے ڈی ای / بی ایڈ (آنرز) حصہ اول، دوم، سوم و چہارم کے دوسرے سیمسٹر کے امتحانی فارم بغیر لیٹ فی کے جمع کرانے کی آخری تاریخ 6 جنوری 2025ء مقرر کی گئی ہے، تاہم 7 سے 10 جنوری 2025ء تک 5000 روپے لیٹ فی کے ساتھ فارم جمع کرائے جا سکتے ہیں۔