سنڌ يونيورسٽيءَ ۾ وائيس چانسلر جي صدارت هيٺ ڊينر ڪميٽيءَ جو اجلاس: تعليمي ڪانووڪيشن ڊسمبر 2025ع ۽ ايم فل، پي ايڇ ڊي توڙي ٽيچنگ اسسٽنٽس کان ڪمپيوٽر بيسڊ ٽيسٽ وٺڻ جو فيصلو
نڌ يونيورسٽي ڄامشورو جي وائيس چانسلر پروفيسر ڊاڪٽر خليل الرحمان کمڀاٽي جي صدارت هيٺ ڊينز ڪميٽيءَ جو اهم اجلاس مننعقد ٿيو، جنهن ۾ تعليمي ڪانووڪيشن ڊسمبر 2025ع ۾ منعقد ڪرڻ جو فيصلو ڪيو ويو آهي. اجلاس ۾ اهو به فيصلو ڪيو ويو ته تعليمي سال 2025ع لاءِ ايم فل ۽ پي ايڇ ڊي جي اميدوارن کان ڪمپيوٽر بيسڊ ٽيسٽ ورتي ويندي، جڏهن ته مختلف شعبن ۾ ٽيچنگ اسسٽنٽ طور ڀرتي ٿيندڙ نوجوانن کان به ڪمپيوٽر بيسڊ ٽيسٽ ورتي ويندي ته جيئن شفافيت برقرار رکي سگهي. اجلاس ۾ وائيس چانسلر ڊاڪٽر کمڀاٽي ڊينز کي هدايت ڪئي ته اونهاري جي موڪلن بعد يونيورسٽي کُلڻ کان اڳ ٽائيم ٽيبل ۽ ڪلاسن جا شيڊيول نوٽيس بورڊ تي لڳايا وڃن ۽ مختلف شعبن جا سربراهه پنهنجن استادن کي وقت سر پنهنجا ڪلاس وٺڻ جو پابند بڻائين، جڏهن ته شاگردن جي حاضري ايل ايم ايس تي اپلوڊ ڪن
Author:
Mrs. Shumaila Solangi
08/07/2025
