سنڌ يونيورسٽي ڄامشورو سان لاڳاپيل ڪاليجن ۾ اي ڊي آرٽس (ريگيولر توڙي ايڪسٽرنل)، اي ڊي ڪامرس، اي ڊي سائنس ۽ اي ڊي هوم اڪنامڪس (ريگيولر) حصو پهريون جي امتحانن لاءِ فيس ۽ فارم جمع ڪرائڻ جو شيڊيول جاري ڪيو ويو آهي. ان ڏس ۾ سالياني امتحانن واري ڪنٽرولر احسان الله راشدي پنهنجي جاري ڪيل پڌرائيءَ ۾ ڄاڻايو آهي ته ڄاڻايل پروگرامن جي سالياني امتحانن 2025ع لاءِ فارم ۽ فيس جمع ڪرائڻ جي آخري تاريخ 15 مئي 2026ع مقرر ڪئي ويئي آهي.