سنڌ يونيورسٽي ڄامشورو ۾ ڊائريڪٽر اسپورٽس (بوائز) اجويد احمد ۽ ڊائريڪٽر اسپورٽس (گرلز) ڊاڪٽر زرين ميمڻ جي نگرانيءَ ۾ شاگردن ۽ شاگردياڻين جا ٽرائيلز مڪمل ٿي ويا آهن. گذريل ڏينهن جوڊو، جوجٽسو، وِشو، ريسلنگ، تائيڪوانڊو ۽ باڪسنگ جي ٽيمن لاءِ شاگردن ۽ شاگردياڻين جا ٽرائيلز ورتا ويا. ٽرائيلز حيدر بخش جتوئي پويلين ۽ گرلز جمنازيم ۾ منعقد ٿيا، جتي ڪيترن ئي شاگردن ۽ شاگردياڻين مختلف راندين جا ٽرائيلز ڏنا. هوڏانهن مختلف راندين لاءِ چونڊيل ٽيمن جون تربيتي ڪئمپون جلد لڳايون وينديون، جتي ماهر پنهنجي نگرانيءَ ۾ سنڌ يونيورسٽيءَ جي ٽيمن کي تربيت ڏيئي قومي مقابلن لاءِ تيار ڪندا، جيڪي هائير ايجوڪيشن ڪميشن پاران قومي سطح تي نومبر ۾ رٿيل آل پاڪستان انٽر ورسٽيز ٽورنامينٽ ۾ حصو وٺنديون.