جامعہ سندھ جامشورو اپنے اعلیٰ انتظامی ادارے سینڈیکیٹ میں ایک انتظامی افسر کی نشست پر انتخاب کرانے کا عمل باقاعدہ طور پر شروع کر چکی ہے، جس کے لیے پولنگ 19 دسمبر 2025ء کو مقرر کرنے کا اعلان کیا گیا ہے۔ مذکورہ انتخاب سندھ یونیورسٹی ایکٹ اور سندھ ہائی کورٹ کے حکم نامے کی روشنی میں کرایا جا رہا ہے۔ رجسٹرار اور الیکشن آفیسر پروفیسر ڈاکٹر مشتاق علی جاریکو کے جاری کردہ نوٹیفکیشن کے مطابق 45 اہل ووٹر افسران پر مشتمل ابتدائی ووٹر لسٹ جاری کی گئی ہے، جو انتخاب میں حصہ بھی لے سکیں گے اور ووٹ بھی دے سکیں گے۔ ووٹرز کی فہرست میں گریڈ 17 سے گریڈ 20 تک کے افسران شامل کیے گئے ہیں، جن میں مختلف انتظامی افسران شامل ہیں۔ فہرست میں ایڈوائزر پی اینڈ ڈی ساجد قیوم میمن، کنٹرولر محمد معشوق صدیقی، انچارج ڈائریکٹر کیمپس سیکیورٹی رفیق علی بروہی، ڈپٹی ڈائریکٹر اسپورٹس اجوید احمد بھٹی، ایگزیکٹو انجینئر ارشد حمید میمن، ریزیڈنٹ آڈیٹر عبدالرحیم لغاری، پبلک ریلیشنز آفیسر ڈاکٹر نادر علی مغیری، پلاننگ آفیسر سید گوہر عباس شاہ، ایڈمنسٹریٹو آفیسر سلطان احمد بلوچ، پلانٹیشن آفیسر منور حسین راجڑ، برسر میاں احمد عالم پاشا مغل، پرچیز اینڈ اسٹور آفیسر فیصل زمان مغل، اسسٹنٹ رجسٹرار ندیم بٹ، پبلی کیشن آفیسر عبدالواحد ہیسبانی، اسسٹنٹ رجسٹرار محمد داؤد چنڑ، اسسٹنٹ ڈائریکٹر آفتاب یوسف پردیسی، سیکیورٹی آفیسر سید علی عابد سرکار لکیاری، اسسٹنٹ کنٹرولر غلام مجتبیٰ جلبانی، ایڈمنسٹریٹو آفیسر رشیداللہ مہيسر، اسسٹنٹ کنٹرولر خالد عزیز میرانی، ایڈمنسٹریٹو آفیسر شہمیر حیدر قریشی، اسسٹنٹ کنٹرولر سکندر علی راجڑ، سینئر ٹرانسپورٹ آفیسر بدرالسلام شیخ، سینئر ٹرانسپورٹ آفیسر سجاد حسین شاہ، اسسٹنٹ لائبریرین پیر بخش بجیر، اسسٹنٹ لائبریرین عتیق احمد پٹھان، اسسٹنٹ لائبریرین نجم الحسن عمرانی، اسسٹنٹ لائبریرین ساجدہ پروین سومرو، اسسٹنٹ لائبریرین شیما خاصخیلی، اسسٹنٹ لائبریرین انور علی لاشاری، اسسٹنٹ لائبریرین محمد اسماعیل بجیر، اسسٹنٹ لائبریرین مشتاق احمد شیخ، اسسٹنٹ لائبریرین ہما بانو شیخ، اسسٹنٹ لائبریرین شبانہ پروین سومرو، اسسٹنٹ لائبریرین غلام صغریٰ، اسسٹنٹ لائبریرین امتیاز علی سولنگی، اسسٹنٹ لائبریرین زین العابدین شیخ، اسسٹنٹ لائبریرین ایاز علی شورو، اسسٹنٹ لائبریرین فرح ناز میمن، اسسٹنٹ انجینئر غلام شبیر عباسی، اسسٹنٹ انجینئر نعیم احمد عیسانی، اسسٹنٹ انجینئر غلام محمد سومرو، اسسٹنٹ انجینئر مہتاب قبولیو، اسسٹنٹ انجینئر تنویر گلفام میمن اور اسسٹنٹ انجینئر محمد مراد شاہ شامل ہیں۔ انتخابی شیڈول کے مطابق نامزدگی فارم 4 دسمبر تک داخل کرائے جا سکیں گے، جن کی اسکروٹنی اسی روز کی جائے گی۔ 5 دسمبر کو حتمی امیدواروں کی فہرست جاری کی جائے گی، جبکہ نامزد امیدوار 8 دسمبر تک اپنے فارم واپس لے سکیں گے۔ آخری مقابلہ کرنے والے امیدواروں کی فہرست اور پولنگ کے بارے میں تفصیلات 12 دسمبر کو نوٹیفائی کی جائیں گی۔ نوٹیفکیشن میں واضح کیا گیا ہے کہ نامزدگی فارم حتمی ووٹر لسٹ میں شامل دو ووٹرز (ایک پروپوزر اور ایک سیکنڈر) کی جانب سے تصدیق شدہ ہو اور متعلقہ شعبے کے سربراہ سے بھی تصدیق شدہ ہو۔ فارم مقرر کردہ اسسٹنٹ ریٹرننگ افسران علی اکبر جلبانی یا ایاز بالادی کے پاس جمع کرائے جا سکیں گے۔ نوٹیفکیشن کے مطابق 19 دسمبر کو مقررہ انتخاب کے نتائج کا اعلان 22 دسمبر 2025ء کو سرکاری طور پر کیا جائے گا۔