جامعہ سندھ جامشورو کی جانب سے “معرکہ حق” کے سلسلے میں جشن منانے کا اعلان کیا گیا ہے۔ اس سلسلے میں ڈائریکٹر بیورو آف اسٹیگس اجوید احمد بھٹی نے اپنے جاری کردہ اعلامیہ میں بتایا ہے کہ “معرکہ حق” کے سلسلے میں 7 مئی کو علامہ آئی آئی قاضی سینٹرل لائبریری (زیرو پوائنٹ) سے آرٹس فیکلٹی بلڈنگ تک ریلی نکالی جائے گی، جس کے بعد شیخ ایاز آڈیٹوریم میں ایک تقریب بھی منعقد کی جائے گی۔ اعلامیہ کے مطابق معرکہ حق کی تقریبات میں “صدقہ حق” کے عنوان کے تحت ملی نغمے گانے کا مقابلہ بھی منعقد کیا جائے گا، جس کے لیے ہر شعبے سے 3 طلبہ و طالبات کے نام طلب کیے گئے ہیں۔