گهڻ ٻوليائي مشهور شاعر خليفي نبي بخش قاسم جي ياد ۾ "خليفو نبي بخش قاسم پنجين يادگار ڪانفرنس" سڀاڻي اڱاري ڏينهن، صبح جو 11:00 وڳي سنڌ يونيورسٽي جي انسٽيٽيوٽ آف سنڌالاجي جي پير حسام الدين راشدي آڊيٽوريم ۾ منعقد ٿيندي، جنهن جي صدارت سنڌ يونيورسٽيءَ جو وائيس چانسلر پروفيسر ڊاڪٽر فتح محمد مري (تمغه امتياز) ڪندو. خليفو نبي بخش قاسم يادگار ڪميٽي طرفان سنڌ يونيورسٽي ۽ سنڌي لئنگئيج اٿارٽي جي سهڪار سان منعقد ٿيندڙ هن ڪانفرنس ۾ سنڌ جا ناميارا اديب، شاعر، ليکڪ ۽ محقق خليفي قاسم جي شاعري ۽ شخصيت بابت پنهنجا ويچار ونڊيندا.