يونيورسٽيءَ جي وائيس چانسلر ڊاڪٽر فتح محمد برفت پاران اردو يونيورسٽي ۾ سنڌي شعبي جي چيئرمين ڊاڪٽر ڪمال ڄامڙو جي لاڏاڻي تي گهري رنج ۽ غم جو اظهار، وارثن سان تعزيت
سنڌ يونيورسٽيءَ جي وائيس چانسلر ڊاڪٽر فتح محمد برفت پاران اردو يونيورسٽي ۾ سنڌي شعبي جي چيئرمين ڊاڪٽر ڪمال ڄامڙو جي لاڏاڻي تي گهري رنج ۽ غم جو اظهار، وارثن سان تعزيت
ڄامشورو (پ ر) سنڌ يونيورسٽي ڄامشورو جي وائيس چانسلر پروفيسر ڊاڪٽر فتح محمد برفت اردو يونيورسٽي ڪراچي ۾ سنڌي شعبي جي چيئرمين ڊاڪٽر ڪمال ڄامڙو جي لاڏاڻي تي گهري رنج ۽ غم جو اظهار ڪندي سندس پونئيرن سان تعزيت ڪئي آهي. پنهنجي جاري ڪيل تعزيتي پيغام ۾ وائيس چانسلر ڊاڪٽر برفت چيو ته مرحوم اردو يونيورسٽي ۾ سنڌي شعبي کي تعليم ۽ تحقيق جو مرڪز بڻايو ۽ ڪيترن ئي سنڌي نوجوانن کي ايم فل ۽ پي ايڇ ڊي ڪرائي وڏو ڪم ڪيو. ھن چيو ته ڊاڪٽر ڄامڙو ڪراچي ۾ رھي به سنڌي ماڻھن جي خدمت ڪئي ۽ ڪيترائي تحقيقي مقالا ۽ ڪتاب لکيا. ڊاڪٽر برفت چيو ته ڪمال ڄامڙو سنڌي ادب ۾ وڏو نالو آھي، ھن ايمانداري ۽ سچائيءَ جي بنياد تي تعليم ۽ تحقيق جو ڪم جاري رکيو ۽ ھميشه متحرڪ رھيو. ھن چيو ته ڪمال ڄامڙو ھڪ وڏو محقق ھو ۽ سنڌي ٻوليءَ ۾ سندس وڏيون خدمتون آھن، جن کي ڪڏهن به وساري نٿو سگهجي. وائيس چانسيلر ڊاڪٽر برفت مرحوم جي بلند درجن لاءِ ڌڻيءَ در دعا پڻ ڪئي ۽ پونيئرن سان ڏک جو اظھار پڻ ڪيو.
Announcements
