ناظم امتحانات سیمسٹر جامعہ سندھ جامشورو محمد معشوق صدیقی نے اپنے ایک سرکیولر میں مطلع کیا ہے کہ جامعہ سے ملحقہ کالجز و انسٹیٹیوٹس میں 2 سالہ ایم بی اے 6 سیمسٹر پروگرام کے تیسرے اور چھٹے سیمسٹر کے امتحانات بہت جلد منعقد کیے جائیں گے۔ ناظم امتحانات کے مطابق امتحانات کا آن لائن فارم جمع کرانے کا شیڈول جاری کردیا گیا ہے، جس کے تحت بغیر لیٹ فی کے فیس جمع کرانے کی تاریخ 7 دسمبر سے 13 دسمبرمقرر کی گئی ہے، تاہم 13 سے 17 دسمبر تک 5000 روپے لیٹ فی کے ساتھ امتحانی فارم جمع کرائے جا سکتے ہیں۔