سنڌ يونيورسٽي ڄامشورو جي سالياني امتحانن واري ڪنٽرولر پروفيسر ڊاڪٽر سراج الحق ڪانڌڙو ڄاڻايو آهي ته سنڌ يونيورسٽي سان لاڳاپيل ڪاليجن ۾ بي اي، بي ڪام، بي ايس سي ۽ بي ايس سي هوم اڪنامڪس حصو پهريون (فيليوئر) ۽ حصو ٻيون (ريگيولر ۽ فيلوئر) جي سالياني امتحان 2021ع جا آن لائين امتحاني فارم 12 سيپٽمبر کان 7 آڪٽوبر 2022ع تائين يونيورسٽيءَ جي آفيشل لنڪ (annual.usindh.edu.pk) تي وڃي ڀري سگهجن ٿا. پنهنجي جاري ڪيل پڌرائي ۾ ڪنٽرولر وڌيڪ ڄاڻايو ته حاضريءَ واري شيٽ ۽ سلپن جي پرنٽ وٺي ڏيڻ سميت آءِ ٽي سروسز جي مد ۾ لاڳاپيل ڪاليجن جا پرنسپال اميدوارن کان 200 رپيا چارج ڪري سگهن ٿا. امتحانن جي فيس بابت تفصيلي شيڊيول لاڳاپيل ڪاليجن ڏانهن اماڻيو ويو آهي.