سنڌ يونيورسٽي ڄامشورو ڊائريڪٽر اسپورٽس (بوائز) اجويد احمد ڀٽيءَ تعليمي سال 2023ع لاءِ اسپورٽس ڪوٽا تي بيچلر ڊگري پروگرامن ۾ داخلا وٺڻ جي خواهشمند اميدوارن کي صلاح ڏني آهي ته هو 10 ڊسمبر کان 31 ڊسمبر 2022ع تائين پنهنجي راندين وارا سرٽيفڪيٽ جمع ڪرائين ته جيئن ڄاڻايل سرٽيفڪيٽن جي ڇنڊڇاڻ بعد کانئن ٽرائيلز وٺي سگهجن. پنهنجي جاري ڪيل هڪ پڌرائيءَ ۾ ڊائريڪٽر اسپورٽس (بوائز) وڌيڪ ڄاڻايو ته اميدوار پنهنجا سرٽيفڪيٽ ڊائريڪٽوريٽ آف اسپورٽس ۾ آفيس ٽائيم دوران 10 ڊسمبر کان جمع ڪرائي سگهن ٿا، جڏهن ته 31 ڊسمبر کان پوءِ ڪو به سرٽيفڪيٽ قبول نه ڪيو ويندو. هن چيو ته باڪسنگ، بيڊ منٽن، ٽينس، فٽبال، ڪرڪيٽ ۽ ٻين راندين جا سرٽيفيڪٽ جمع ٿيڻ کان پوءِ انهن جي ڇنڊڇاڻ ڪئي ويندي، جنهن بعد ٽرائيلز جو شيڊول جاري ڪيو ويندو.